Атырауда арнайы пәннің 16 оқытушысы мен өндірістік оқыту шеберлері біліктіліктерін арттырды
«Электр газ дәнекерлеуші» мамандығы бойынша біліктілікті арттыру курсы Еуропадан келген маманның қатысуымен өтті. Шараны Атырау облысының кәсіпкерлер палатасы мен облыстық білім беру басқармасы техникалық және кәсіптік білім беру деңгейін өсіру аясында жүзеге асырды.
Үш жұма ішінде Атырау индустриялды колледжі мен Атырау энергетика колледжінің базасында аталмыш салада 50 жылдық өтілі бар Швейцариялық құрылыс нұсқаушысы Герман Хойзер атыраулық ұстаздармен кәсіптің ерекше қырларымен бөлісті.
Оқыту аяқталсымен тыңдаушылар халықаралық пішіндегі сертификатқа ие болады.
«Жергілікті ұстаздардың дайындығы әртүрлі, басынан бастап өз ісінің мамандарына дейін біраз саты бар. Дәнекерлеуші істің құпияларымен қатар мен оқыту әдістемесі мен оқушылармен тиімді жұмыс істеуді де түсіндіруге тырыстым», - деді герман Хойзер.
