Алғашқы халықаралық медициналық-санитарлық көмек конференциясына 70 елдің денсаулық сақтау қызметкерлері қатысады
«Конференция барысында өзге елдің мамандарымен тәжірбие алмасуға денсаулық сақтау жүйесінде жаңа инновациялық формаларды қолдана отырып алғашқы медициналық-санитарлық көмек көрсетуді жетілдіру ұсыныстарын талқылауға мүмкіндік туады. Сонымен қатар, медбике әлеуеті рөлін күшейту, халықтың денсаулық сақтауына әсер ететін басқа секторлар, атап айтсақ: ақпаратты технологияларды енгізу мен алғашқы медициналық-санитарлық көмекті компьютерлендіру мәселелері қаралады», - делінген хабарламада.
Айта кету керек, конференцияда алғашқы медициналық-санитарлық көмек қызметі мамандарын дайындау саласы мен жалпы дәрігерлік тәжірбиені жетілдіру, транспорттық медицинаны дамыту, ауылдық жерлердің халқына медициналық көмек көрсету мен басқа да мәселелер бойынша әлемдік тәжірбиені енгізу мен талқылау жоспарланып отыр.
Сонымен қатар хабарламада кеңейтілген шараға әлемнің 70 елі қатысатыны айтылған.
Естеріңізге сала кетейік, 35 жыл бұрын әлемнің 157 елі әлемдік денсаулық сақтау жүйесінің басы ретінде алғашқы медициналық-санитарлық көмек дамуын шығарып, Алматы Декларациясын қабылдаған болатын. Алғаш рет АМСК ұғымы енгізіліп, оның дамуында негізгі принциптер мен элементтері анықталған.
