Ақтауда ШОБ субъектісінің саны 2014 жылы 4,3 пайызға көбейді – әкім
9 Ақпан, 2015 14:49
Ақтауда шағын және орта бизнес субъектілерінің саны 2014 жылы 4,3 пайызға көтерілді, деп хабарлайды қала әкімінің баспасөз қызметі Е.Жаңбыршинға сілтеме жасай отырып.
«2014 жылдың соңында шағын және ортиа бизнес субъектісінің саны 33,6 мың бірлікті немесе 2013 жылмен салыстырғанда 4,3 пайызға өсті. Шағын кәсіпкерлік саласында жұмыспен қамтылғандар саны 3,3 пайызға көбейіп, 66,7 мың адамды құрады», - деді Е.Жаңбыршин.
Ақтау қаласының әкімі айтып өткендей, қалада шағын және орта бизнесті дамытуға барлық жағдай жасалған.
«2014 жылы қаланың әлеуметтік-экономикалық саласының барлық бағыты бойынша оңтайлы көрсеткіштер байқалуда. Құрылыс жұмыстары 2014 жылы 39 млрд теңгені құрап ФИК 196,2 пайызды құрады», - деді ол.
