Павлодар көшелерінде «ақылды аялдамалар» пайда болды
3 Қазан, 2013 14:36
Павлодар қаласының 2 аялдамасы «ақылды аялдама» арнайы ақпараттық қондырғысымен жабдықталды, құрылғының көмегімен жолаушылар автобустардың бағыттарын алдын ала біле алады, деп облыс әкімдігінің баспасөз қызметі хабарлады.
«Қаланың 2 аялдамасы «ақылды аялдама» арнайы ақпараттық құрылғысымен жабдықталды. GPRS навигациялы жүйесінде қоғамдық көліктердің бағыт-бағдары көрсетілген», - деп хабарламада нақтыланған.
Аталмыш қондырғылардың көмегімен жолаушылар өз автобус бағдарының нөмірі мен автобус аялдамаларының соңғы нүктесінен хабардар бола алады.
Айта кетерлігі, 2013 жылдың соңына дейін ақпараттық тақта тағы 4 аялдамаға орнатылатын болады.
