• Басты
  • Қарағандыда Сталинград шайқасының батырларына құрмет көрсетілуде (Фото)

Қарағандыда Сталинград шайқасының батырларына құрмет көрсетілуде (Фото)

7 Ақпан, 2015 16:13
«Астана» өңірлік қолбасшылығының жеке құрамы Сталинград шайқасының қатысқан Ұлы Отан соғысының ардагерлерін құттықтады.

Қорғаныс министрлігі хабарлағандай,  Сталинград шайқасы – 8 айға созылған, екінші дүниежүзілік соғыстың бетін бұрған оқиға, Ұлы Отан соғысындағы ең үлкен, тарихтағы ең ірі қырғын ұрыстардың бірі.

Сталинград  - адамзаттың жадында қасірет пен бейнеттің, ұлы батырлықтың символына  айналды. Осы тарихи шайқасқа қазақстандық жауынгерлер де қатысқан болатын. Олардың алтауы бүгінгі таңда Қарағандыда тұрады. Кездесуде батыр ардагерлер өздерінің соғыс жылдары, жауынгер әріптестерінің ерлік істері туралы әңгімелеп берді.

Майдангерлердің әңгімелерін ұйып тыңдаған «Астана» ӨҚ әскери бөлімінің әскери қызметшілері ардагерлерге сыйлықтар тарту етіп, ҚР Қарулы Күштерінің Жоғары Бас қолбасшысы атынан хаттар табыс етті. ҚР Қарулы Күштерінде барлық Ұлы Отан соғысының ардагерлеріне қолдау көрсетіліп және әрдайым көңіл бөлінетіндігін  айта кеткен жөн. Жеңістің 70-жылдығы  қарсаңында әскери қызметшілер майдангерлерге арнап көптеген акциялар, естелік сыйлықтар, әлеуметтік іс-шаралар мен дәстүрлі көмектерін әзірлеуде.
 

Барлық жаңалықтар