Ақмола облысында ҚХА жылына арналған «Мейірім» акциясы өтуде
8 Ақпан, 2015 19:31
Ақмола облысында «Мейірім» қайырымдылық акциясы басталды. Ол Қазақстан халқы Ассамблеясы Жылының ашылуына арналған болатын.
Акция аясында аз қамтылған отбасыларға, көпбалалы жанұяларға, тыл ардагерлеріне қолдау көрсету бойынша қайырымдылық шаралары ұйымдастырылды, деп хабарлады Ақмола облысы ішкі саясат басқармасы жанындағы «Ақмола Медиа орталығы».
«Қала маңындағы Шортанды ауданында жергілікті кәсіпкерлер аз қамтылған Гольтяпин отбасы мен көпбалалы ана В.Гнатюк, тыл ардагері М.Овчароваға ерекше көңіл бөлді. Көмек ақшалай және астық бөлу арқылы көрсетілді», - делінген хабарламада.
