Ақкөлде экологиялық туризмге арналған халықаралық туристік форум ашылды (ФОТО)

Форум шеңберінде «Экологиялық туризм: тарих, заманауи, инновациялар» ғылыми-тәжірибелік конференция өтуде. Оған Ақкөл ауданының әкімі В. Елисеев, «Астана ЭКСПО-2017»АҚ басқарушы директоры Салтанат Рахимбекова, Ақмола облысының туризм басқармасының бастығы Шынарбек Батырханов, «Табиғат» экология одағы мен Қазақстан кәсіпорындары қауымдастығының президенті  Мэлс Елеусізов қатысуда.

Ақмола облысының ІСБ хабарлағандай, ЕХРО-2017 көрмесі қарсаңында Ақмола облысы мен Ақкөлде экологиялық туризмді дамыту әлеуеті, осы саладағы өзге мемлекеттердің тәжірибесі, қазақстанның шағын қалаларының оны пайдалану мүмкіндігіндігі қарастырылды.

Сонымен қатар, қатысушыларға Ақкөл ауданын одан ары дамыту үшін «Ақкөл жас курорттық қала», «Экополис Ақкөл» жобалары таныстырылды. 

Сөз сөйлегендер атап өткендей, Ақкөлдік экологиялык туризм саласында болашағы зор - ол туралы оның аумағының мүмкіншіліктері айтып тұр.

Жалпы шараны ұйымдастырушылар «Тұрақты даму» жер қоры» ҚБ, «Қазақстан атақоныстар» РҚБ, «Әлем Жастары» шетелде білім алып жатқан жастардың қауымдастығы. Форум ҚР Инвестициялар және даму министрлігінің туризм индустриясы департаментінің және Ақмола облысы әкімдігінің қолдауымен өткізілуде.