Қазақстан халқы Ассамблеясының Жылы (ФОТОРЕПОРТАЖ)

6 Ақпан, 2015 16:07

Қазақстан халқы Ассамблеясы Жылының ашылу салнатанаты еліміздің барлық аймақтарында өтті.

Қазақстан халқы Ассамблеясы өзінің құрылған кезінен бастап орасан біріктірушілік және зияткерлік әлеует жинақтап және халықтық дипломатия институты үлгісіне бейімделе отырып, ұзақ даму жолынан өтті. Еліміздегі 100-ден аса этностың басын біріктіретін бірегей құрылым тұрақтылықты сақтап, республиканың ілгерілей дамуы үшін маңызды роль атқарды.

Қазақстан халқы Ассамблеясы бүкіл әлемге Қазақстанның этносаралық қатынастар саласында жүргізіп отырған саясатының табысты екенін паш етіп келеді.

Шара Қазақстан халқы Ассамблеясы туының көтерілуі мен «Жастар қоғамдық келісімді қолдайды» флеш-фобынан басталды.

Шараға қатысушылардың назарына «Халық мұрасы» көрме-жәрмеңкесі паш етілді.

«Ассамблея Жылы – бiздiң ортақ мерекемiз, барлық 17 млн қазақстандықтың iсi. Елбасының айтуынша, әрбiр азамат бiздiң жерiмiздегi бейбiтшiлiк, келiсiм үшiн жауапкершiлiктi сезiнуi тиiс. Ассамблея жылы біздің нақты істеріміздің жылы болады, «Қазақстан-2050»Стратегиясы» мақсаттарына жетуде септігін тигізеді. Біз «Нұрлы жол-болашаққа бастар жол» жаңа экономикалық саясатының жүзеге асуына кірістік», - деді Нұрсұлтан Назарбаев.

Астана әкімі Әділбек Жақсыбеков ҚХА жылының ресми ашылу салтанатында Қазақстан халқы Ассамблеясының «20 игі іс» эстафетасын Ақмола облысына табыстады.