Ақтөбеде Қазақстан халқы Ассамблеясы Жылының туы көтерілді

Қазақстан халқы Ассамблеясы Жылының синхрон акциясының салтанатты ашылуымен  облыс әкімі А.Мұхамбетов  барлық облыс тұрғындарын  атаулы күнмен құттықтап, Қазақстан Республикасы Президенті – Қазақстан халқы Ассамблеясының Төрағасы Н.Ә.Назарбаевтың Қазақстан халқы Ассамблеясы Жылының ашылуына арналған құттықтау сөзін оқып берді, деп хабарлады облыстың ішкі саясат басқармасы.

Құттықтаудан кейін облыс әкімі және Қазақстан халқы Ассамблеясының ардагері, «Қазақстан кәрістер қауымдастығы» Республикалық қоғамдық  бірлестігі Ақтөбе филиалының төрағасы К.В.Цхай  Қазақстан халқы Ассамблеясы Жылының Жалауын көтерді.

Қазақстан халқы Ассамблеясы Жылының Жалауын көтеру салтанаты театрландырылған көрініс, флеш-моб ұйымдастырылып, ҚХА эмблемаларымен әуе және гелий шарларын ұшырумен аяқталады.

2015 жылдың 3-6 ақпан күндері, облысың  барлық оқу орындарында, кітапхана, мәдениет және спорт мекемелерінде Қазақстан халқы Ассамблеясының Жылын және ҚР Конституциясының 20 жылдығын өткізудің Ұлттық шаралар жоспары аясында «Қазақстан халқы Ассамблеясының 20 жылдық тарихы» тақырыбында дәріс-таныстырылымын ұйымдастырды. 

Дәріс мақсаты Н.Назарбаевтың этносаралық толеранттылық және қоғамдық келісім қазақстандық үлгісінің танымалдылығын арттыру, отандық этносаясатты жүргізу тетіктерімен, ҚХА құрылу тарихымен, қазіргі кезеңдегі міндеттерімен және қызметімен, конституциялық мәртебесімен таныстыру болып табылады. Дәріс берушілер ҚХА жанындағы ғылыми-сараптамалық кеңесінің топ мүшелері, этномәдени бірлестіктердің басшылары және белгілі қоғам қайраткерлері ойларын білдірді.