• Басты
  • Алматы облысында ҚХА жылын тойлау аясында бірқатар байқаулар басталды

Алматы облысында ҚХА жылын тойлау аясында бірқатар байқаулар басталды

6 Ақпан, 2015 15:06
Бүгін Талдықорған қаласындағы «Жастар» спорт сарайында Қазақстан халқы Ассамблеясы жылы бастау алды.

Алматы облысының әкімдігі хабарлағандай, шара барысында Алматы облысының әкімі  өңір тұрғындарына Елбасы Нұрсұлтан Назарбаевтың Ассамблея жылы аясындағы халыққа арнаған құттықтауын жеткізді. Құттықтауда еліміздің барлық аймактарында Президент жарлығыммен бекітілген Қазақстан халқы Ассамблеясының жылы басталғаны айтылды.

Шараның негізгі бөлігінде көрермендер назарына тарихи уақыттарға негізделген театрландырылған көріністер, жастар флеш-мобы ұсынылып әртүрлі ұлт өкілдерінің әндері мен билері көрсетілді.

Осы жерде болған Белорус соғысына қатысқан ҰОС ардагерлерін мараппаттау рәсімі де ешкімді бей-жай қалдырмағаны анық. Облыс әкімі А.Баталов П.Ещенко, Ш.Исмаил және А.Есболатоваларға «Белоруссияны неміс-фашист басқыншыларынан азат еткеніне 70 жыл» мерекелік медальдарін тапсырды.

«Бейбітшілік пен келісімнің жол картасы» мега-жобасы аясында «20 қайырымді іс» эстафетасы іске қосылды.

Келесі кезекте Ассамблея жылы синхрон-акциясының «20 қайырымды іс» эстафетасы Ақсу ауданына тапсырылып, бұдан да басқа ағымдағы жылы басталуы тиіс «Аңсаған мамандық», «Шаңырақ», «Мың бала», «Ұлттық рух» байқаулары, конкурстары мен жобалары осы жерде өз бастауын алды. Осы орайда ағымдағы жылдың соңына дейін облыс көлемінде 80-нен астам ауқымды шараларды өткізу жоспарланып отыр.

Шара барысында әр түрлі ұлт өкілдері бастау алған бүгінгі акция туралы өз ойларымен бөлісіп, Ассамблеяның толеранттылық пен өзаратүсіністік және достықты нығайтудағы рөлін атап өтті. Бүгінгі Талдықорған қаласында болып өткен Ассамблея жылы аясындағы синхронды-акция шарасы қоғамдық келісім мен бейбітшілікті насихаттауда өзінің нақты бір ерекшелігімен көрермендердің ойында қалды.

 

 

Барлық жаңалықтар