• Басты
  • ҚР Аэроұтқыр әскерлерінің 170-тен астам мергені біліктілігін арттырды
6 Ақпан, 2015 20:43

ҚР Аэроұтқыр әскерлерінің 170-тен астам мергені біліктілігін арттырды

Алматы облысы Жаркент қаласының маңындағы Аэроұтқыр әскерлер мотоатқыштар бөлімінің базасында қазақстандық мергендермен қатар Қырғыз Республикасы Қарулы Күштерінің алты мергені де жиынды аяқтады.
ҚР Аэроұтқыр әскерлерінің 170-тен астам мергені біліктілігін арттырды

Бұл ҰҚШҰ шеңберінде өткізілген оқу-жаттығулар барысында қол жеткізілген уағдаластыққа сәйкес өтіп отыр. «Жиынға Қазақстан Аэроұтқыр әскерлері десанттық-шабуылдау, мотоатқыштар бригадаларынан және барлау бөлімшелерінен барлығы 170-тен астам мерген қатысты. Бұдан бұрын мергендерді дайындау әскери бөлімдерде өткізіліп келген болатын», - деп хабарлады Қорғаныс министрлігі.

Бұл жолы тұңғыш рет Аэроұтқыр әскерлерінің барлық мергендері бір бөлімнің аумағына оқшау жиналып білімі мен біліктілігін аттырды, кәсіби дағдысы мен тәжірибесін жетілдірді.

Үш апта бойғы жиынға қатысқан әскери қызметшілер кәсіпқой сержанттардан құралған тәжірибелі нұсқаушылардың жетекшілігімен далалық жағдайда мергендік өнердің қыр-сырын меңгерді. Мергендермен тактикалық, таулық, инженерлік даярлықтар мен атыс даярлығынан сабақтар өткізілді. Тау мен далада, күндіз және түнгі жағдайда мергендер таныс емес жерде бағдар табуға жаттығып, қарулардың тактика-техникалық сипаттамаларын зерделеді, барлау даярлығынан өтті

 Сондықтан да Қазақстан Құрлық әскерлерінің бас қолбасшысы мен Аэроұтқыр әскерлердің қолбасшысы мергердер даярлығына үлкен көңіл бөліп отыр. Жиын соңында сертификаттар табыс етіліп, оның аяқталғанын білдірді. Сертификаттарға қазақстандық мергендермен қатар қырғызстандық әріптестер де ие болды. Елдеріне оралған соң олар өз армиясында қазақтандық дәстүрге сәйкес жиындар өткізіп, көрген-білгендерін үйрететін болады.

 

Барлық жаңалықтар