Қарағанды облысында сүт өнімін кластерлі қаржыландыру жобасын жүзеге асыруды жоспарлауда
3 Қазан, 2013 11:43
Ауыл шаруашылығын қолдау қоры сүт өнімін кластерлі қаржыландыру жобасын жүзеге асыруда. Қарағанды облысына аталмыш жоба пилоттық режимде облыстық әкімдік пен «Нәтиже» ЖШС-нің серіктестігі арқылы енгізілмек, деп «ҚазАгро» Ұлттық Холдингінің баспасөз қызметі хабарлады.
«Жобаны «Жұмыспен қамту – 2020» бағдарламасының микронесиелеу бағыты бойынша жүзеге асыру жоспарлануда», - деп хабарламада нақтыланған.
Баспасөз ақпаратында хабарланғандай, жоба бойынша қор ауыл шаруашылық кәсіпкерлеріне сүт тұқымды жануарларды иемденуге несие береді. Тұтынушы мал басына ие болғаннан кейін олар «Нәтиже сүт компаниясына сүтті келісілген бағаға өткізетін болады. Осындай әрекет арқылы айналым жүреді.
Сонымен қатар, сүтті тасымалдауды несиелеу жүйесі құрастырылды. Жобада мемлекеттік қолдау көрсету бағыттары да қарастырылған.
Мемлекет ұсақ және ірі малдарды несиелеу үрдісін жүргізеді. Берілетін ақша құны 4 жылға 3,1 млн теңге, яғни 1 ірі қараға 118 мың теңге бөлінеді.
