• Басты
  • Оралда отандық өндірушілерді қолдауға бағытталған 28 меморандумға қол қойылды

Оралда отандық өндірушілерді қолдауға бағытталған 28 меморандумға қол қойылды

6 Ақпан, 2015 09:19
Орал қаласында Жергілікті қамту мәселесі бойынша форумның шеңберінде отандық тауар өндірушілерді қолдауға бағытталған 28 меморандумға қол қойылды.

Атап айтқанда, Қазақстан Республикасы Энергетика министрлігінің қолдауымен Батыс Қазақстан облысының әкімдігі (БҚО), кәсіби одақтар және жұмыс берушілер арасында жұмыс берушілердің жұмыс орындарын сақтау жөніндегі міндеттемелері көрсетілген 8 әлеуметтік меморандумға қол қойылды.

Энергетика министрлігі хабарлағандай, БҚО әкімдігі және тауарлар және қызметтерді өндірушілер мен тұтынушылар болып табылатын шаруа субъектілері арасында отандық өндірушілерді қолдауға бағытталған жалпы сомасы 47 миллиард теңгені құрайтын үш жақты 20 меморандумға қол қойды. Форумның жұмысына аймақта жұмыс сапармен жүрген ҚР Энергетика министрі Владимир Школьник және ҚР Инвестициялар және даму министрі Әсет Исекешев қатысты. 

В.С. Школьник кездесуге қатысушыларға: «Қазақстан Республикасы Үкіметімен 2015 жылға арналған өнеркәсіптік кәсіпорындарын қолдауға бағытталған жоспар әзірленді, сонымен қатар ҚР Энергетика министрлігімен негізгі мақсаты қазақстандық өнімді шығаратын жаңа өндірістерді ашу болып табылатын Экономиканың энергетикалық саласына арналған машина жасауды дамыту бойынша жұмыс тобы құрылғандығын», - атап өтті.

 «Орын алған күрделі жағдайда экономиканың кейбір салаларындағы өндірістің тоқтап қалу қаупі бар, Мемлекет басшысының тапсырмаларына сәйкес сондай жағдайлардың үзілді-кесілді алдын-алу қажет.  Экономиканың әр саласындағы және Қазақстан Республикасының әр аймағындағы  субъектілер арасындағы өзара кешенді әрекеттестікті бүгінгі күннен бастап қолға алатын кез келгендігін», - деді В.Школьник.

 

Барлық жаңалықтар