2-інші «Astana Piano Passion» жас пионистер байқауының жүлде қоры 50 мың доллар

3 Қазан, 2013 10:54

2014 жылдың мамыр айында Астанада 2-інші Классикалық музыканың халықаралық байқауы аясында «Astana Piano Passion» жас пионистер байқауы өтеді. Байқаудың жалпы жүлде қоры 50 мың доллар, деп хабарлайды байқаудың баспасөз қызметі.

«Классикалық музыканың 2-інші Халықаралық байқауы аясында өтетін «Astana Piano Passion» жас пионистер байқауын Астана қаласы әкімдігінің қолдауымен «Accordi di Astana» қоғамдық қоры өткізеді. Жалпы жүлде қоры 50 мың долларды құрайды. Байқаудың басты мақсаты – жас өнерпаздардың қалыптасуына жағдай жасау, орындаушылық шеберлікті жетілдіруде халықаралық тәжірбие алмасу және Қазақстанның фортепиано дәстүрлі мектебін жетілдіру», - делінген хабарламада.

Айта кету керек, «Astana Piano Passion» 2-інші Халықаралық байқауы үш кезеңнен тұрады. Оған 18-ге дейінгі әлемнің барлық елінен жас өнерпаздар қатыса алады.

Басты сыйлықтан басқа қатысушылар түрлі номинациялар бойынша марапатталады. Сонымен қатар, төменгі, орта және жоғарғы топтан бірінші орын алған өнерпаздың ұстаздарына да сыйлықтар үйлестірілмек.

Байқаудың көркемдік жетекшісі және қазылар алқасының төрағасы бұрынғыдай Ресей халық әртісі Денис Мацуев.

Естеріңізге сала кетейік, жас пионистердің бірінші халықаралық байқауынан кейін ағымдағы жылдың мамыр айында музыка сыншылары қазылар жұмысына оң бағаларын берді. Оған барша көрермендер де қосылды.

Барлық жаңалықтар