ШҚО-да «Жеті жарғыдан Конституцияға дейін» акциясы өткізіледі

ШҚО Ақпараттық орталығы хабарлағандай, «ҚР Конституциясының 20 жылдығына орай, өңірде ұйымдастырылатын іс-шаралар тізіміндегі негізгі басымдық – құқықтық мәдениеттің қалыптасуына, мемлекеттік құрылым қағидаттарының негізі ретінде заңның ұлықтылығына беріледі.

Мерейтойларды атап өту бойынша бекітілген облыстық жоспарына аймақта өткізілетін ғылыми-практикалық конференциялар, дәрістер, сынып сағаттары, патриоттар форумы, мерекелік шерулер, дөңгелек үстелдер кіреді», – деді ШҚО Ақпаратық орталығында өткен брифингте облыс әкімінің орынбасары Жақсылық Омар.

Ж.Омардың айтуынша, аймақта өткізілетін іс-шараларға жастар, қалалар мен аудандардағы барлық ардагерлер қатысады. Сондай-ақ, мерекеге орай ШҚО тамыз айында басталатын жалпыұлтттық акциясы ҚР Конституция күні 16 жасқа толған азаматтарға паспорт, жеке куәлік тапсыру салтанаты ұйымдастырылады.

Дәл осы күні Өскемендегі Ботпай тауындағы Рәміздер кешенінде мемлекеттік қызметке алынған жас қызметшілердің дәстүрлі ант қабылдау салтанаты өткізіледі.