Атырау облысында ҚХА институты ашылды
5 Ақпан, 2015 18:23
Қазақстан халқы Ассамблеясының 20 жылдығы қарсаңында Халел Досмұхамедов атындағы Атырау мемлекеттік университеті жанынан Қазақстан халқы Ассамблеясы институтының ашылды.
Облыстың ішкі саясат басқармасы хабарлағандай, ассамблея институты АМУ-нің 1-қабатында орналасқан. Онда бірнеше кабинеттер мен кітапхана бар. Үлкен көрме залында әр халықтың мәдениетін көрсететін заттар қойылған. Бұл әзірге республикадағы ҚХА бірінші институты.
«Біздің еліміздегі ҚХА секілді мемлекет пен Президент деңгейіндегі орган ешбір елде жоқ. Біз бір шаңырақ астында, қоғамда бірнеше ұлттардың жұмыс жасап, өмір сүріп, білім алуын көрсетіп, айтқымыз келеді», - деді Б.Мамраев.
