• Басты
  • Астанада ЖҚЖК бойынша қосымша 4 мыңнан астам адамды жұмыспен қамтылды – әкім (Фото)

Астанада ЖҚЖК бойынша қосымша 4 мыңнан астам адамды жұмыспен қамтылды – әкім (Фото)

5 Ақпан, 2015 15:21
Бүгін Астанада әлеуметтік қорғау мәселелері бойынша үшжақты меморандумдарға қол қойылды.

Астана қаласының индустриалды паркіндегі «Локомотив құрастыру зауыты» АҚ кәсіпорнында Астана қаласы әкімдігі мен ұлттық компаниялар, қала әкімдігі, елорда кәсіпорындары мен кәсіподақ арасында жұмыстан босатылған жұмысшыларды әлеуметтік қорғау мәселелері бойынша үшжақты меморандумдарға қол қойылды.Кеңеске Қазақстан Республикасы Премьер-министрінің орынбасары Бердібек Сапарбаев пен Астана қаласының әкімі Әділбек Жақсыбеков қатысты.

Кездесуде сөз алған әкім, Елбасының тапсырмасына сәйкес, әкімдіктер мен ірі кәсіпорындар арасында өндіріс процестерін тұрақтандыру және жұмысшылардың еңбек құқығы мен кепілдікдерін қамтамасыз ету бойынша меморандумдарды бекіту бойынша кең ауқымдағы шаралар өткізіліп жатқанын айтты.

Қала әкімдігі хабарлағандай, бұл бағытта мемлекет тарапынан ауқымды шаралар жүзеге асырылуда. Бір ғана «Бизнестің жол картасы - 2020» бағдарламасы аясында Астанада 8 мыңға жуық жұмыс орнын сақтап, қосымша 4 мыңнан астам адамды жұмыспен қамтуға қол жеткізілді.

Жұмыс орындарын сақтауға, өзара ықпалдастық пен өндіріс процестерін тұрақтандыру, мәселелері бойынша үшжақты меморандумдарға 7 елордалық кәсіпорын қол қойды.

Әділбек Жақсыбеков барлық тараптар меморандумдар талаптарын ұстанатындарына және жұмыс берушілер мен жұмыскерлердің еңбек құқықтарын толық көлемде сақтауды қамтамасыз ететіндеріне, сонымен қатар еліміздің бас қаласының экономикасының алдағы уақытта да дами беретініне сенім білдірді.

 

 

 

Барлық жаңалықтар