ШҚО-да биыл атаулы мерейтойларға орай 4500 іс-шара өтеді

ШҚО 2015 жылы Республика бойынша кең ауқымда аталып өтілетін Қазақ хандығының 550 жылдығы, Жеңістің 70 жылдығы, ҚР Конституциясы мен ҚХА 20 жылдығы, Ұлы Абайдың 170 жылдығы сынды ауқымды мерейтойларға орай, ШҚО 500 мың адамның қатысуымен 4 500 іс-шара өткізілмек, деп хабарлайды ШҚО Ақпараттық орталығы.

2015 жыл еліміз үшін ірі мерейтойлармен қатар, Шығыс Қазақстанда ерекше аталып өтілетін Ұлы Абайдың 170 жылдығы сынды ауқымды мерейтойлар жылы болғалы отыр.

Осы орайда, жалпы алғанда облыс бойынша 500 000 адамның қатысуымен 4 500 іс-шара ұйымдастыру жоспарлануда.

Мерейтойлық іс-шараларды өткізу бойынша Ұлттық жоспар бар. Бүгінгі күні аймақтағы өткізілетін мәдени, спорттық және ғылыми іс-шаралардың 5 бағыты бойынша жоспарлары облыс әкімімен жасалып бекітілді.