• Басты
  • Орал мектептерінде Қазақстан халқы Ассамблеясының тарихы бойынша бірыңғай сабақтар өтуде

Орал мектептерінде Қазақстан халқы Ассамблеясының тарихы бойынша бірыңғай сабақтар өтуде

6 Ақпан, 2015 08:34
Бүгін Орал қаласындағы 46 жалпы білім беретін орта мектептерде мемлекеттік органдар мен этно-мәдени орталықтардың жетекшілері, облыстық мәслихат депутаттары әртүрлі сыныптарда Қазақстан халқы Ассамблеясы жылы аясында ҚХА –ның тарихы ерекшелігі, қызметі және тағы да басқа сұрақтар бойынша дәрістер оқиды.

Облыстың ішкі саясат басқармасы хабарлағандай, Батыс Қазақстан облысында 90-нан астам ұлт пен ұлыс өкілдері өмір сүруде. Батыс Қазақстан облысы Қазақстан халқы ассамблеясы құрамында этномәдени және діни бірлестіктерінің басшылары, мәслихат депутаттары, мемлекеттік органдар, оқу орындарының, қоғамдық және жастар ұйымдарының өкілдері, кәсіпкерлер бар. Облыс ассамблеясы құрамында 115 адам мүше.

Облыс ассамблеясы құрамында 33 этномәдени бірлестіктер пен орталықтар мәдени-ағарту қызметін атқарып келеді.

Қазақстан халқы Ассамблеясының алдында тұрған міндеттер мен көкейкесті мәселелерді шешу үшін этномәдени бірлестіктер жетекшілерінің қатысуымен арнайы қоғамдық кеңес құрылып, қызмет етуде. Сонымен қатар, ассамблея жанынан ғылыми-сарапшылық кеңес, ақсақалдар кеңесі, қоғам және БАҚ байланыс жөніндегі кеңес құрылды.

Жергілікті жерлерде аудан мен қала әкімдерінің төрағалығымен Қазақстан халқы Ассамблеясының ынталы топтары қызмет етуде.

Сонымен қатар, 6 - шы ақпан күні Батыс Қазақстан облысының әкімі Н.Ноғаевтың қатысумен Жәңгір хан атындағы Батыс Қазақстан агро-техникалық университетінде Қазақстан халқы Ассамблеясы жылыны ашылу старты өтеді. Республикамызда бірдей уақытта өтететін шараға барлық этно-мәдени орталықтардың өкілдері, мәслихат депутаттары, мемлекеттік органдар мен бизнес өкілдері, ҮЕҰ, жастар, қоғамдық бірлестіктер мен БАҚ өкілдері қатысады деп күтілуде.

 

Барлық жаңалықтар