Астанада "Бала - басты жолаушы!" атты автошеру өтті (ФОТО)

Автошеру бала-жолаушылардың қатысуымен болған ЖКО кейінгі салдарының төмендеуіне, Астана қаласының аумағындағы балалар жол-көлік жарақатының алдын алу жұмыстарының тиімділігін арттыру  мақсатында ұйымдастырылған.

Астана қаласы ІІД ӘПБ мәліметі бойынша, полицейлерге өздерінің үлгісімен жарыс автомобильдерінің, такси мен автоорталықтардың жүргізушілері мен республикалық радиостанцияларының өкілдері және өзгеде танымал тұрғалар қолдау көрсетті. Қатысушылар ұйымдасқан тұрғыда Астананың орталық көшелерімен бір-бірінің артынан жүріп өтті.

«Біз бүгінгі автошеруді ұйымдастыру арқылы барлық жүргізушілерді балаларды көлік құралдарында автокреслоларда немесе балаларға арналған ұстап қалушы құралдарда тасымалдауға шақырамыз», - деді Астана қаласы ІІД ӘПБ ЖБ аға инспекторы Лариса Красникова.

Автошеру "Жастар" сарайынан басталып, "Думан" ОСО автотұрағында мәресіне жетті. Ол жерде елорда тұрғындарына арнайы мамандар мен полицейлер баланы ұстап қалушы құралдарының автокөлікте пайдалануының қажеттілігі мен дұрыс орнату көрсетілімін назарға ұсынып, түсіндіру жұмыстарын өткізді.

Содан соң, полицейлер оқушылармен бірге жүргізушілерге ақпараттық бүктемелер мен кәдесыйларды таратты.