ҚР-да ХҚКО-ның қызметкерлері үйде қызмет көрсететін болады

3 Қазан, 2013 10:36

Астана және Алматы қалаларының халыққа қызмет көрсету орталықтарында жаңа пилоттық жобаны енді. Енді ХҚКО тұрғындардың пәтерлеріне барып өз қызметтерін ұсынатын болады. Бұл жоба 1,2 дәрежелі мүмкіндігі шектеулі адамдарға қызмет көрсетуге бағытталған, деп Көлік және коммуникация министрлігінің баспасөз қызметі хабарлады.

«Мемлекеттік қызмет көрсету стандарттары бойынша тұтынушы қызмет көрсету орталығына өзі жеке келуі қажет. Мүмкіндігі шектеулі жандарға аталмыш әрекетті жасау қиындық тудырады. Сол себепті, аталмыш жоба жүзеге асырылып отыр. Енді ХҚКО қызметкерлері тұрғындарға өздері келеді», - деп ХҚКО мемқызметті автоматтандыру мен үйлестіру қызметі Комитетінің төрағасы Бағдат Мусин хабарлады.

Ол үшін мүмкіндігі шектеулі жан 1414 нөміріне хабарласып, жеке мәліметтерін айтып, керек құжаттардың тізімін білуі тиіс. Аталған әрекеттен кейін орталықтың қызметкері тұрғынның пәтеріне келіп өз қызметін көрсетеді, делінген хабарламада.

Бағдат Мусин атап өткендей, жыл соңына дейін аталмыш қызмет түрі республиканың басқа аймақтарына да енгізілетін болады.

Ведомство баспасөз қызметінің ақпаратынша 2013 жылы қоғамдық пунктіден 6 млн электронды анықтама, электронды үкімет порталынан 5,7 млн анықтама берілген.

Барлық жаңалықтар