Қызылордалық студенттерге этносаралық толеранттылықтың қазақстандық үлгісі туралы дәріс оқылды (Фото)

Дәріс мақсаты - этносаралық толеранттылық және қоғамдық келісім қазақстандық үлгісінің танымалдылығын арттыру, сонымен қатар, ҚХА-ның құрылу тарихы мен қазіргі таңдағы міндеттері және қызметі мен мәртебесін таныстыру болып табылады, деп хабарлады облыс әкімдігі.

Бірінші дәріс Қорқыт ата атындағы Қызылорда мемлекеттік университетінің 4 факультетінде оқылды.

Ақпанның 3-і күні дәріс-таныстырылымдар И.Әбдікәрімов атындағы аграрлық-техникалық колледжінде және Қызылорда медициналық колледжінде және Болашақ университеті мен колледжінде, сонымен қатар, Қазақ-түрік лицейінде өткізілді.

Ақпанның 4-інде М.Мәметова атындағы Қызылорда гуманитарлық колледжінде және дарынды балалрға арналған мектеп-интернаты мен Назарбаев зияткерлік мектебінде жоспарлануда .

«Дәрісті Қорқыт ата атындағы Қызылорда мемлекеттік университетінің Қазақстан халқы Ассамблеясы кафедрасының меңгерушісі, тарих ғылымдарының кандидаты Н.Мыңжас, ғалымдар М.Жусупбекова, А.Еспенбетова, У.Ибраев этномәдени бірлестіктердің жетекшілері Л.Ли, М.Исаев, Г.Щербакова, А.Хамидов, И.Шек, Г.Гизатуллина, Г.Гейдарова, ҚХА кафедрасының оқытушылары, ҚХА облыстық ғылыми-сараптамалық тобының мүшелері оқиды. Дәрісті жүргізу барысында ҚХА туралы бейнематериалдар, кітап көрмелері пайдаланылады», - делінген хабарламада.

Дәріске 2 мыңнан астам студент жастар қамтылады. Аталған дәрістер студент жастар ортасында этносаралық келісімді, толеранттылық пен қазақстандық патриотизмді нығайтуға бағытталған.

Сонымен қатар, осы күндері облыс көлемінде орта мектептерде Қазақстан халқы Ассамблеясының жылына арналған ашық сабақтар өткізіледі.