Сырдария ауданы өзін-өзі қаржыландыруға көшеді – әкім (Фото)

5 Ақпан, 2015 12:34

Қызылорда облысы бойынша Сырдария ауданы өзін-өзі қаржыландыратын дотациясыз аудан болып табылады. Бұл туралы бүгін Сырдария ауданының әкімі Ғ.Қазантаев халық алдындағы есептік кездесуінде айтты.

«Мемлекеттік «Ақбұлақ» бағдарламасы аясында кентке қарасты О.Мәлібаев ауылында су қоймасы іске қосылды. Аудан тұрғындарының талай жылғы арманы орындалып, ғасыр құрылысы атанған Сырдария өзеніне салынған көпір ашылды. Аудан орталығында 250 орындық емхана мен елді-мекендерде жаңадан бой көтерген амбулаториялық дәрігерлік мекемелер халық игілігіне жұмыс жасауда», - деді аудан әкімі.

Алдағы уақытта да ауданда халыққа сапалы қызмет көрсететін әлеуметтік нысандар саны арта бермек. Аудан әкімі биыл атқарылатын шаралармен таныстыра отырып, ағымдағы жылы Шіркейлі ауылында 600 орындық, Шаған ауылында 900 орындық жаңа білім ордалары пайдалануға берілетінін,

Айтек каналының сол жағалауын игеру үшін көпір салынатынын, жаңа автовокзал ғимараты ашылатынын, тұрғын үй құрылыстарының жалғасатынын, ауыз су жүйесін қайта жаңғырту жұмыстары жүргізілетінін хабарлады.

Өңір басшысы Қ.Көшербаев аудан әкімінің жоспарларын қолдай отырып, 2015 жылдың екінші жарты жылдығынан бастап Сырдария ауданын табиғи газбен қамту да қолға алынатынын жеткізді.

Барлық жаңалықтар