Көпшіліктің ой-пікірін сыбайлас жемқорлыққа қарсы бағыттауымыз керек – Ғ.Досанов (Фото)

5 Ақпан, 2015 08:48

ШҚО мемлекеттік қызмет істері және сыбайлас жемқорлыққа қарсы іс-қимыл агенттігі ШҚО бойынша департаментінің басшысы Ғалымбек Досанов облыстық, қала және аудандық бұқаралық ақпараттық құралдарының бас редакторларымен ашық диалог өткізді.

Кездесуде «ҚР 2015-2025 жылдарға арналған сыбайлас жемқорлыққа қарсы стратегиясы» мен сыбайлас жемқорлықпен жұртшылық болып жұмыла күресудің жолдары талқыланды, деп хабарлайды ШҚО Ақпараттық орталығы.

«Жаңадан құрылған біздің Департамент «Біздің міндет – халыққа қызмет» ұранымен сыбайлас жемқорлыққа қарсы күрес жүргізетін құрылым. Стратегия аясында біздің жұмыс жемқорлықпен қатысы барларды жазалаумен шектелмейді. Ең алдымен, ел ішінде түсініктеме жұмыстарын жүргізу балабақшадан басталады. Көпшіліктің ой-пікірін сыбайлас жемқорлыққа қарсы бағыттауымыз керек», – деді Ғ. Досанов.

Жиында Ғ. Досанов сыбайлас жемқорлыққа қарсы күресте өзге құрылымдармен бірге, БАҚ-мен күш біріктірудің аса маңыздылығын айтып өтті.

«Біздің Департаменттің миссиясы мен қызметінің негізгі бағыттарын халыққа жеткізудегі БАҚ-ның рөлі аса маңызды. Сондықтан баршаңызды алдағы уақытта сыбайлас жемқорлыққа қарсы іс-қимылда бірлесе жұмыс атқаруға шақырамын», – деді Ғ. Досанов.

Барлық жаңалықтар