Ұлттық экономика министрлігі Мәжілісте «Өзін-өзі реттеу туралы» заң жобасын таныстырды

«Негізгі заң жобасының мақсаты қызметтің кейбір салаларына  өзін-өзі реттеу институтын енгізу арқылы экономиканы мемлекеттік реттеу тиімділігін арттыру»,- деді ҚР Ұлттық экономика вице-министрі Қайырбек Өскенбаев заң жобасын таныстыру барысында.

Оның айтуныша, Мемлекет басшысының Ұлттық инвесторлар кеңесі барысында берген тапсырмасын орындау үшін кәсіпкерлік субъектілеріне және кәсіби қызметке  өзін-өзі реттеу институтын енгізу қарастырылған.

«Өзін-өзі реттеу институтын енгізу кәсіпкерлікті дамытуға және бизнестің  мемлекетпен серіктестік қарым-қатынас орнатуына, қолайлы бизнес-климат жасақтауына мүмкіндік береді»,- деп атап өтті министрдің орынбасары.

Сонымен қатар, заң жобасында «ұйымды өзін-өзі реттеу» жаңа түсінігі енгізілуде, ол қауымдастық немесе өзге де құқықтық үлгідегі коммерциялық емес ұйымды білдіреді.

Жалпы, аталмыш заң жобасымен бірге жүретін 1 Кодекс пен 7 заңға өзертулер мен қосымшалар енгізілуде.

Камила Амирова