• Главная
  • Қазақстанның Азаматтық Альянсы әкімдер рейтингісіне ҮЕҰ-мен жұмыс істеуді енгізуді ұсынды
4 февраля, 2015 12:43

Қазақстанның Азаматтық Альянсы әкімдер рейтингісіне ҮЕҰ-мен жұмыс істеуді енгізуді ұсынды

Қазақстанның Азаматтық Альянсы әкімдер рейтингісіне салынған жолдардың санын ғана емес, ҮЕҰ-мен жұмысты енгізуді ұсынды. Бұл туралы ОКҚ-да өткен брифингінде «Қазақстанның Азаматтық Альянсы» ЗТБ президенті Нұрлан Ерімбетов хабарлады.
Қазақстанның Азаматтық Альянсы әкімдер рейтингісіне ҮЕҰ-мен  жұмыс істеуді  енгізуді ұсынды

«Бүгінде ҮЕҰ топтамасының  тақырыбын шенеуніктер емес,  қоғамдық қайраткерлер мен бірлестіктер анықтаса деп едік. Мен әкімдер рейтингісіне салынған жолдардың санын ғана емес, ҮЕҰ жұмыс істеу  нәтижесін енгізуді ұсындым және ол қабылданды», - деді Н.Ерімбетов.

Осы ретте ол, жақын арада ҮЕҰ қызметінің қаржы саласы да өзгертілетінін жеткізді. 

«Жақын арада заңнамаға өзгертулер енгізіледі. Қоғамдық бірлестіктер тендерді ұту немесе жеңілу арқылы, я болмаса мемлекеттік әлеуметтік тапсырысқа ғана жұмыс істейтін болмайды. Бұл қаржы тікелей тендерсіз және келісімсіз жіберіледі. Яғни, біз нақты кімдердің ардагерлермен, мүгедектермен, балалармен, жасөспірімдермен және өзгелермен жұмыс істейтінін білеміз», - деп толықтырды ҚАА басшысы.

Оның айтуынша, осыдан 1,5-2 жыл бұрын Қазақстанда ҮЕҰ басым бөлігі жабылып қалды, себебі оларды жеке бизнеспен теңестіріп тастады.

Индира Кауметова