Алматының спорттық инфрақұрылымы халық игілігіне жұмыс істейтін болады

Спорттың шаңғы түрлерін өскелең ұрпақ арасында кеңінен насихаттауға жете мән берілуде. Мысалы, жаңа нысанды кәсіби спортшылармен қатар балалар да тегін пайдалана алады. Алматы әкімі Ахметжан Есімовтың тікелей бастамасы әрі тапсырмасы бойынша жоғары оқу орындары студенттерінің денешынықтыру және спорт жөніндегі жоспарлы сабақтары шаңғы трассасының базасында өтетін болады.

Қала әкімдігі хабарлағандай, техникалық жағынан күрделі бұл спорттық нысанның басты ерекшелігі- қаланың тура орталығында орналасқандығында әрі инфрақұрылымы жайлы, қолжетімді. Шаңғы трассасының трамплин жанына салынуының өзі оның құндылығын арттыра түседі. Жоғарыда аталған факторларға орай халықаралық сарашылар қоғамдастығы оған әлемдік рейтингте үш үздіктің бірі деген әділ бағасын берді.

«Атап өтерлік жайт, кезінде бос жатқан жерге (қоқыс тасталатын алаңқай) қазіргі заманғы құрылыс материалдарын пайдалана отырып, жаңа нысан салу мегаполис бюджетіне арзанға түсті. Ауқымды құрылыс 2014 жылдың көктемінде басталды. Кешенде 60 модуль ді орын, стандарт ты стадион, 600 көрермендік трибуна, қазылар кабиналары бар. Шаңғы жолының жалпы ұзындығы - 7,5 км, солтүстік бөлігі - 5 км, оңтүстігі - 2,5 км. Болашақта құрылыс 2015 толық аяқталады, абаттандыру, жарықтандыру жұмыстары қолға алынады», - делінген хабарламада.

Жаңа нысанда барлық жастағылардың ерекшеліктері толық ескерілген. Нысанның құндылығы барлық маусым бойына жұмыс істейтігінде, жақын арада 2,5 км асфальт төселеді. Соның арқасында жазғы чемпионаттар өткізіп, роликті конький тебуге болады. Бұл трасса қажетті барлық қондырғылармен жабдықталған,кроосқа дайындалуға, маунтинбайк және басқа да сабақтарды өткізуге болады.