Мәжіліс Қазақстан мен Өзбекстан арасындағы адамдардың реадмиссиясы туралы келісімді ратификациялады

4 Ақпан, 2015 10:29

ҚР Парламентінің Мәжілісі «Қазақстан Республикасының Үкіметі мен Өзбекстан Республикасының Үкіметі арасындағы Адамдардың реадмиссиясы туралы келісімді және Қазақстан Республикасының Үкіметі мен Өзбекстан Республикасының Үкіметі арасындағы Адамдардың реадмиссиясы туралы келісімді іске асыру тәртібі туралы атқару хаттамасын ратификациялау туралы» Заң жобасын мақұлдады.

«Келісім мен атқарушы хаттаманың жүзеге асуы келіскен тараптар арасындағы заңсыз көші-қон ынтымақтастығын жетілдіруге, тұлғалардың қайта келуін қауіпсіз анықтайтын тиімді үдерістерді жүргізу, көші-қон ауыстырған соң белгілі тәртіптерге сәйкес міндеттерді орындамау сынды оқиғаларды анықтауға мүмкіндік береді», - делінген комитеттің қорытындысында.

Келісімнің 2 бабына сәйкес сұрап отырған тараптың құзіретті мемлекеттік органдары өтініш беріп отырған құзіретті органдардың сұранымын қарастырады. Яғни, заң жобасы арқылы уағдаласушы тараптар мемлекеттерінің аумағында рұқсатсыз жүрген адамдардың реадмиссиясын құқықтық және ұйымдастыру мәселелелерін реттеуді көздейді.

«Келісім мен атқару хаттамасын іске асыру заңсыз көші-қонға қарсы іс-қимыл саласында Уағдаласушы тараптар арасындағы ынтымақтастықты жетілдіруге ықпал ететін болады. Сондай-ақ уағдаласушы тараптар мемлекеттерінің аумағына кіру, сонда жүру немесе тұру шарттарын орындамайтын немесе орындамай қойған адамдарды анықтау, қауіпсіз және ретке келтіріліп қайтару үшін тиімді рәсімдерді айқындауға мүмкіндік береді»,- делінген қорытындыда.

Сондай-ақ, комитеттің қорытындысына сәйкес, сұраныс білдіріп отырған тарап жағында үшінші елдің азаматы ұлттық заңнаманың бұзылуы арқылы жүрген жағдайда мемлекеттің құзіретті органдары тарап жақтағы өкілетті органдардың өтінішін қабылдайды.

Камила Амирова

Барлық жаңалықтар