ҚК Қарулы Күштерінде қызметтік иттер «қызмет» атқарады (Фото)
Қорғаныс министрлігі хабарлағандай, иттер гарнизондардағы құқық тәртібін сақтау, әскери бөлімдер мен мекемелерде заңсыз қару-жарақ, оқ-дәрі, жарылғыш, есірткі заттарының айналымы оқиғаларының алдын алуға және анықтауға бағытталған іс-шараларға тартылады. Бүгінгі таңда ҚР Қарулы Күштері Әскери полиция қызметінің қарамағында бірнеше жүз қызметтік иттер бар.
Олардың әрқайсысына жеке кинолог бекітілген. Кинолог итті баптап, оған күтім жасайды. Негізінен қызметке овчарка (неміс, бельгиялық (малинуа), шығыс-европалық) және лабрадорлар таңдалады. Иттердің аталмыш тұқымдары тез үйреніп, қызметтік иттерге қойылатын талаптарға сай келеді. ҚР Қарулы Күштерінде кинологияның дамуына Алматы өңірлік гарнизоны әскери полиция жасағының питомнигі базасында кинологиялық бөлім ашылған болатын.
Ол жерде кинолог мамандарды даярлау және қайта оқыту жұмыстары жүреді. Сонымен қатар, бұл жерде қызметтік-іздестіру иттерін әскери маңызы бар объектілерді күзету үшін, саперлік, медициналық бөлімшелер, іздестіру-құтқару қызметі мен ҚР ҚК ҚӘ Аэроұтқыр әскерлері, барлау бөлімшелері жүргізетін арнайы операциялар үшін өсіріп, асырайды. Кинолог мамандарды барлық деңгейлерде оқытуды жүзеге асыру мақсатында ғылыми негізге сәйкес, білім беру бағдарламалары жасалып, жетілдірілуде. Австрия мен Германия қуатты құрылымдарының кинологиялық қызметтерімен тығыз байналыс орнатылған, олардың базаларындағы курстарда Қазақстан әскери полициясының кинологтары біліктіліктерін арттырып келеді.
