Тәжікстан ЭКСПО-2017 көрмесіне қатысуын растады

ЭКСПО-2017 комиссары Астанада халықаралық көрмені өткізуге дайындық барысы мен Елбасы Н.Назарбаевтың бастамасымен «Жасыл көпір» серіктестік бағдарламасы бастамасы туралы айтты.

Өз кезегінде Тәжістан Премьер-Министрінің бірінші орынбасары Д.Саид екі ел арасындағы өзара қарым-қатынастың жоғары деңгейін айтып өтті. ТР Үкіметінің атынан ол Тәжікстанның ЭКСПО-2017 көрмесіне қатысуын растады.

Сондай-ақ, ол «Жасыл көпір» серіктестік бағдарламасы аясындағы берілген тапсырмаларды орындауға тәжік басшылығы да серіктестік танытатындығын айтты.

ТР Сауда-өндірістік палатасының өкілдерімен кездесу барысында Сауда және экономикалық даму министрі Н.Хекматуллозодпен кездесуде тараптар Тәжікстанның Астанадағы көрмеге қатысуын  талқылады. ЭКСПО-2017 көрмесі туралы танысытырылым өтті. Онда көрмеге қатысу үшін қойылатын талаптар көрсетілді.

Өз кезегінде, Қазақстан сыртқы істер министрінің бірінші орынбасары – ЭКСПО-2017 халықаралық мамандандырылған көрмесінің комиссары Рәпіл Жошыбаев Тәжікстанның Астанада өтетін ЭКСПО-2017 көрмесінің жұмысына белсенді атсалысатынына сенім білдірді.

Бұл ТМД мен Орта Азияда өткізілгелі отырған алғашқы халықаралық көрме. Сондай-ақ ол Қазақстан көрменің тақырыбына «Болашақтың энергиясы» деген атау ұсынғанын атап өтті. 

Кездесуде барша адамзат үшін өте өзекті болып табылатын энергия ресурстарын тиімді пайдалану мәселесі көтерілді. Ал оның шешімі көптеген елдер үшін стратегиялық міндетке айналды. Бұл тақырыптың негізінде электр энергиясына қолжетімділіктің болмауы, кедейлік деңгейін төмендету секілді жаһандық ауқымдағы проблемалар жатыр.