2014 жылы ШҚО-да бөлшек сауда айналымы 8,2 пайызға артты
3 Ақпан, 2015 19:28
2014 жылғы қаңтар-желтоқсанда өткен жылғы сәйкес кезеңмен салыстырғанда бөлшек сауда тауар айналымы жедел деректер бойынша 8,2%-ға артып, 563,8 млрд. теңгенi құрады.
Соның iшiнде сауда кәсiпорындары 162,5 млрд. теңгенiң, сауда объектілері бар дара кәсіпкерлер 306,9 млрд. теңгенiң және базарларда сауда жасайтындар 94,4 млрд. теңгенің тұтыну тауарларын сатты, деп хабарлады ШҚО Ақпараттық орталығы.
2013 жылғы қаңтар-желтоқсаңға қатысты алғанда қолданыстағы бағалармен тауар айналымының көлемi 16,3%-ға, салыстырмалы бағалармен 8,2%-ға өстi. Жеке тұлғалар салыстырмалы бағалармен бөлшек саудада 2013 жылғы қаңтар-желтоқсаннаң 11,2%-ға, заңды тұлғалар 1,5%-ға көп тауар сатты.
