Қазақстанда 630-ға жуық кәсіподақ жұмыс істейді – Құсайынов

«Бүгінгі таңда Қазақстанда 6 млн жалдамалы қызметкер мен 180 мың жұмыс беруші тіркелген. Олардың қызметін  кәсіподақтар қадағалайды. Жалақының берілуі, жұмыс уақытының режимі, демалыс пен еңбектің реттелуі сынды мәселелерге жауап береді», - деді Ә.Құсайынов.

2014 жылдың 27 маусымында ҚР Президенті Нұрсұлтан Назарбаев «Кәсіподақтар туралы» ҚР Заңына қол қойған болатын. Ол кәсіподақтар қызметінің жаңғыртылуы мен олардың қызметтін жақсартуға бағытталған.

«Жаңа заң кәсіподақ қызметінің даму әдістерін өзгертті. 22 жыл ішінде 636 кәсіподақ пайда болды. Бұрыңғы заңда әлеуметтік серіктестік деген түсінік болмаған еді. Жаңа заң 4 деңгейде кеңейтіліп жазылған. Жаңа заңға сәйкес, кәсіподақтар әлеуметтік аспектілерге қатысы бар заңнамалық актілерді дайындауға қатысады», - деді ол.

Ә.Құсайынов атап өткендей, екі жұма бұрын үкімет деңгейінде үшжақты комиссия отырысы өтті.

«Кәсіпорындар мен кәсіподақтар және жергілікті атқарушы органдармен меморандум құрамыз. Бұл орайда қиындықтар туындайтын болса жоспар бойынша  еңбек кодексінің 7 бабы сақталуы керек», - деді ол.

Камила Амирова