Қазақстанда 7 мыңнан астам мүгедек тұрақты жұмыс орнымен қамтылды

3 Ақпан, 2015 11:01

Қазақстанда 2014 жылдың қорытындысы бойынша тұрақты жұмыс орынға 7 мыңнан астам мүгедек орналастырылды, деп хабарлады ҚР денсаулық сақтау және әлеуметтік даму вице-министрі Светлана Жақыпова Сенаттағы «Мүгедектердің құқықтары туралы конвенцияны ратификациялау туралы» заң жобасын қарастыру барысында.

«Өткен жылы біз ЖАО бірлесіп «Жұмыспен қамту жол картасын» жасақтадық және бағдарлама аясында аймақтар мүгедектерді жұмысқа орналастыру міндеттемесін алды. Егер жоспарлы көрсеткіштер туралы айтатын болсақ, біз 12 мың кембағал жанды жұмысқа орналастыру керек болатынбыз. 2014 жылдың қорытындысы бойынша 15 мыңнан астам мүгедек жұмысқа орналасты. Оның 7300 тұрақты жұмыс орны», - деп мәлімдеді С. Жақыпова.

Вице-министрдің айтуынша, заң жобасы жоспарында жұмыспен қамту және көші-қонді жетілдіру бойынша толықтырулар мен өзгертулер енгізу бар. Дәлірек айтсақ, жұмыс беруші үшін жұмыс орнын квоталау және мүгедектер үшін арнайы жұмыс орнын ұстау бойынша қызығушылықты тұрақтандыру.

«Заң жобасы аясында мүгедектерге арналған арнайы жұмыс орнын квоталау мәселесі қарастырылуда. Егер бұрынырақта квота 3% болса, бүгінде біз оны саралаймыз. Штат санына байланысты 2-4% көлемінде квота бөлеміз және тағы 2018 жылдан бастап жұмыс берушіге жаңа жұмыс орнын ашу үшін субсидия бөлу қарастырылуда», - деп атап өтті вице-министр.

Индира Кауметова

Барлық жаңалықтар