• Басты
  • Аэроұтқыр әскерлерінің мергендері шеберліктерін шыңдауда (Фото)
3 Ақпан, 2015 20:26

Аэроұтқыр әскерлерінің мергендері шеберліктерін шыңдауда (Фото)

Жаркенттегі «Көктал» полигонында ҚР ҚК Аэроұтқыр әскерлері мергендерінің жиындары жалғасуда. Аталмыш жиынның ерекшелігі – оған Қазақстан Аэроұтқыр әскерлерінің әскери қызметшілерімен қатар Қырғызстан Республикасының 5 мергені қатысуда.
Аэроұтқыр әскерлерінің мергендері шеберліктерін шыңдауда (Фото)

Қорғаныс министрлігі хабарлағандай, бүгінгі оқшауланаған соғыстар мен қарулы қақтығыстар мергендердің маңыздылығы көрсетеді: олар алыс қашықтықта атыс жүргізіп, өздерінің орналасқан жерлерін білдірмей нысаналарға дәлдікпен тигізу сияқты қабілеттері оларды таулы және жергілікті жерде таптырмайтын мамандарға айналдырады.

«Сондықтан да, жиынның басты мақсаты – мергендік іс шеберлерінің кәсіби біліктіліктерін арттырып, оларды оқыту әдістерін жетілдіру», - деді Құрлық әскерлерінің бас қолбасшысы генерал-лейтенант Мұрат Майкеев.

Әскери қызметшілердің іс жүзіндегі әрекеттерін пысықтау үлкен қызығушылық туғызады. Атап айтқанда, мергендердің атуының шынайы нәтижелері олардың біліктіліктері мен шеберліктерін көрсетеді.

Сонымен бірге атыс даярлығымен қатар мергендердің таулы жерлерде әрекет етулері, жергілікті жерде күндіз және түнгі мезгілде бағдарлай білуі, өз бетінше байланыс орната алуы, атыс жүргізу үшін өзіне ыңғайлы позиция таңдап, сол жерді жабдықтай білуі жетілдіріледі.

Аталған жиын ағымдағы жылдың 8 ақпанында аяқталады. Жиын соңында қорытынды сынақтар өтіп, қатысушыларға белгіленген үлгідегі сертификаттар табыс етіледі. 


 

 

Барлық жаңалықтар