Аэроұтқыр әскерлері бөлімшелерінің гранатаметшілері алғаш рет жиынға шықты (Фото)

2 Ақпан, 2015 20:37

Бүгін, 2015 жылғы 2 ақпан күні, Сарыөзек қүк. 12740 әскери бөлімінің базасында АэҰӘ қолбасшысының нұсқауы негізінде Аэроұтқыр әскерлері бөлімшелері гранатаметшілерінің жиыны басталды.

Қорғаныс министрлігі хабарлағандай, аэроұтқыр әскерлері қолбасшысы басқармасының жауынгерлік даярлық басқармасы мен сержанттар құрамымен жұмыс жөніндегі бөлімшесі осы сияқты жиынды алғаш рет ұйымдастырып отырғанын атап өту керек.

Жиынның мақсаты – жауынгерлік міндеттердің бағытына сәйкес және қазіргі заманғы ұрыс жағдайында гранатаметші мамандардың кәсіби біліктіліктері мен далалық шығудағы дағдыларын арттыру, гранатаметшілерді даярлау әдістерін жалпылау және енгізу болып табылады. Жиынға көрсетілген санаттың 130-дан астам әскери қызметшісі жұмылдырылуда.

Қатысушылар 4 топқа бөлініп, ату, инженерлік іс және жауынгерлік даярлықтың негізгі пәндері бойынша нұсқаушы-мамандардың жетекшілігімен шұғылдануда. Аталмыш жиындар бөлімшенің жауынгерлік ату жаттығулары қарсаңында өткізіліп отыр. Өйткені, гранатаметші бөлімшенің жауынгерлік мүмкіндіктерін айқындайтын басты жауынгерлік бірліктердің бірі болып болып табылады.

Барлық жаңалықтар