Макинск қаласының басшылығы ҰОС ардагері Иван Аникинді 92 жасқа толуымен құттықтады

«Ақмола Медиа Орталығынан» хабарлағандай, Макинск қаласы әкімінің орынбасары Бибігүл  Сыздықова мен аудандық жұмыспен қамту және әлеуметтік бағдарламалар бөлімі басшысының орынбасары Бақыт Қазиева батыр ардагерге ұзақ өмір және отбасылық береке тіледі.

Қуаныштысы сол, кезінде ерлік пен ержүректіліктің үлгісіне айналған бүгінде шаштарына ақ түскен ардагерлер өздернің туылған күнін дені сау күйінде қарсы алуда.

Қонақтар туған күн иесіне естелік сыйлықтар тарту етті. Ал, қария жергілікті билікке ақ тілектері үшін риясыз алғысын білдірді.

«Иван Дмитриевич толарсақтан қан кешкен майданда ержүректілігімен көзге түскен ұлдардың бірі. Ол сұм соғыс жылдарынан кейін тағы бес жыл әскерде қызмет еткен.Сол жылдары оның  қасында сыңары Тимофей болды, алайда бүгінде ол келместін кемесіне мінеп кеткен.  Бұдан басқа, ол зауытта еңбек еткен жылдары өзінің еңбексүйгіштігімен ерекше көзге түседі. Бүгінде ардагер өзінің немересі Владимирдің отбасымен тұрады», - делінген хабарламада.