• Басты
  • «Болашақ» түлегі ҚР Президентіне жазған хатында жастар «Нұрлы жол» саясатын дамытуға атсалысатынын айтты
2 Ақпан, 2015 12:45

«Болашақ» түлегі ҚР Президентіне жазған хатында жастар «Нұрлы жол» саясатын дамытуға атсалысатынын айтты

Елбасы Нұрсұлтан Назарбаевқа «Болашақ» халықаралық стипендиясы түлегі Диляра Даминованың хаты келіп түсті, деп хабарлады Ақорданың баспасөз қызметі.
«Болашақ» түлегі ҚР Президентіне жазған хатында жастар «Нұрлы жол» саясатын дамытуға  атсалысатынын айтты

Хат авторы өзінің 1999 жылы АҚШ-та Рочестер технологиялық институтының магистратурасын «туризм және қонақжайлық»  мамандығы бойынша үздік бітіргенін айтады.

Қазақстанға келгесін Д.Даминова алған білімін тәжірибе жүзінде қолданып, бірқатар мекемелерде жұмыс істейді, ал 2008 жылы кандидаттық диссертациясын қорғайды. Онда қорықтар мен ұлттық саябақтардағы туризмді ұйымдастыруға арналған ұсынымдар көрініс тапқан. Қазіргі уақытта ол әл-Фараби атындағы Қазақ ұлттық университетінде қонақ үй менеджменті және туризм пәнінен ағылшын тілінде сабақ береді.

«Біз 1998 жылы Сізге елімізді өркендету үшін бар күш-жігерімізді жұмсауға уәде бердік. Сіздің бастамаларыңыз, атап айтқанда, «Болашақ» бағдарламасы жастарды дамыту мен қолдау тұрғысынан дұрыстығын әрі көрегендікті танытатынын айтқым келеді. Ал біз «Нұрлы жол» экономикалық саясаты мен Қазақстанның әлемдегі дамыған 30 елдің қатарына енуін көздейтін 2050 Стратегиясын жүзеге асыруға үлес қоса беретін боламыз», – делінген хатта.

Соңында автор Мемлекет басшысына денсаулық және табыс тілей отырып, өзінің еліміздегі туризмді дамыту саласындағы ғылыми зерттеулерін жалғастыратынын атап өткен.

 

Барлық жаңалықтар