Жамбыл облысында ҰОС Жеңісінің 70 жылдығына арналған автокеруен басталды

2 Ақпан, 2015 11:54

Тараз қаласында Ұлы Отан Соғысындағы Жеңістің 70 жылдығына орай «Жеңіске тағзым» айлығы аясында «Қамқорлық және денсаулық» атты автокеруен өтеді.

Облыстың ішкі саясат басқармасы хабарлағандай, патриоттық акция аясында облыстың барлық ауданына екі бағыт бойынша автокеруенге шығу жоспарлануда.

Авокеруен «Жеңіске тағызым!» атты ұранмен өздерінің жанқиярлық ерліктерімен Жеңіске жеткен соғыс ардагерлері мен тыл еңбеккерлерінің қаһармандық ерліктерін құрметтеу және оларға бүгінгі күні аса көңіл бөлу мақсатында өтеді.

Автокеруен құрамында 40-қа адам. Олар; «Нұр Отан» партиясы облыстық филилалы, облыстық ардагерлер, жастар, үкіметтік емес ұйымдарының өкілдері, дәрігерлер мен әлеуметтік қызметкерлері.

Акцияның мақсаты – әрбір соғыс және тыл еңбек ардагерлерінің үйлеріне барып, оларға кешенді түрде медициналық көмек көрсету, шипажай емдеу орындарына жолдамалар беру, тұрғын үйлерін жөндеу жұмыстарына қатысты өзекті жағдайларды анықтау. Сондай-ақ, қажет болған жағдайда ауруханада емдеу.

Сонымен қатар, акция барысында Ұлы Отан соғысы ардагерлерінің 2045 жылғы болашақ ұрпаққа аманат Жолдауы жазылған арнайы капсуланы жеткізу жоспарлануда.

«Ұлы Отан соғысындағы Жеңістің 100 жылдығына арналған Жолдауы салынған капсула акция аяқталғаннан кейін Тараз қаласындағы «Жеңіс» саябағына қойылатын болады», - делінген хабарламада.

Митинг барысында ескерткіш стеллаға гүл қою рәсімі өтіп автокеруен мүшелеріне естелік капсула тапсырылады.