СҚО-да интернетке қоғамдық қатынау орны ашылды

«Нұр Отан» партиясы хабарлағандай, интернетке қоғамдық қатынау орны  ауылдың пошта байланысы бөлімінің жанынан ашылды. Ауылдық адамдар  партия, үкімет пен аудан әкімдіктерінің сайтын тегін қарай алады.

Бұл жобаүйінде интернет желісі орнатылмаған  ауыл тұрғындарына өте қолайлы, сондай-ақ, аталмыш орында арнайы мамандар интернет желісін қолдану  жолдарын да көрсетеді.

Тұтынушылар онлайн басылымдарға жазылып, өздерінің пошта жіберілімдерін жеке нөмірлері арқылы қадағалап, postmarket.kz алаңында тауарларға тапсырыс беріп, Skype арқылы сөйлесе алады.

Жүзеге асырылып отырған жоба СҚО-да пилоттық жоба болып есептеледі. Осыған дейін аталмыш орын Жамбыл ауданының Благовещенка ауылында және Мағжан Жұмабаевтың Советский ауданында  орнатылды.