Қызылорда облысында 12 отбасы баспаналы болды (ФОТО)
2 Ақпан, 2015 08:34
Қармақшы ауданында «Қолжетімді тұрғын үй-2020» бағдарламасы бойынша салынған 12 тұрғын үй пайдалануға берілді, деп хабарлады Қызылорда облысының әкімдігі.
Бұл баспаналарды салуға 73 миллион теңге қаржы жұмсалған. Жаңа қоныс тұрғын үй кезегінде тұрған ата-анасының қамқорлығынсыз қалған, әлеуметтік аз қамтылған және мемлекеттік қызметшілерге берілді.
«Өзім ата-ананың қамқорлығынсыз өссем де, елім жетімсіретіп жатқан жоқ. Әрине, әке-шешінің орнын ешкім баса алмайды. Бірақ осындай қамқорлық жасап, баспанамен қамтып жатқанына алғысым шексіз. Менде елімнің өркендеу жолында өз үлесімді қосуда аянып қалмаймын», - дейді баспаналы болған Алмас Қанбаев.
Жалпы, өткен жылы ауданда 26 пәтерді құрайтын 19 үй пайдалануға берілді.
