• Басты
  • Қостанай облысының соты 2014 жылды қорытындылады
31 Қаңтар, 2015 15:34

Қостанай облысының соты 2014 жылды қорытындылады

Бүгін Қостанай облысы соттарының 2014 жылы сот төрелігін жүзеге асыру жұмысын қорытындылаған кеңейтілген мәжілісі өтті.
Қостанай облысының соты 2014 жылды қорытындылады

ҚР Жоғарғы сотынан хабарлағандай, Жиналыс барысында өткен жылғы статистикалық мәліметтер 2013 жылмен салыстырып қарастырылды. Мәселен, мәліметтерге сүйенсек, азаматтық істер саны артқан. 2014 жылы облыс соттарына 53 мыңнан астам талап арыз бен іс түскен, бұл 2013 жылмен салыстырғанда 6 974 іске артық. Ал, әкімшілік істер саны 8,9 пайызға кеміген, мұндай істер – 27 901.

Қылмыстық істер бойынша сот төрелігін жүзеге асыру барысына тоқталар болсақ, өткен жылы облыс соттарымен барлығы 3070 іс, 689 тұтқындауға санқция беру материалы қаралып, 23 тұлғаға қатысты ақтау үкімі шығарылып, 43 тұлға жауапкершіліктен босатылған, 1014 іс медиативті келісіммен аяқталған.

Сот төрелігін жүзеге асыруға қатысты негізгі мәселелермен қатар, «Қостанай облыстық соты кеңсесі» ММ басшысы Н.Қатарбеков облыс соттарын материалдық-техникалық қамтамасыз ету негізінде жүргізілген жұмыстар туралы ақпаратқа, соттарда жаңа ақпараттық технологиялардың енгізілуі, сот процестерінің дыбыс-бейне жазылуы, т,б, тоқталды.  

Мәжіліс соңында облыстық сот төрағасы Ғалымжан Мырзаке әріптестерінің сөзін қорытындылап, Қостанай облысы соттары қауымдастығына алдағы уақытқа   тапсырмалар қойды.

Барлық жаңалықтар