• Басты
  • Дубайда ЭКСПО-2017 аясындағы ынтымақтастықтың әлеуеті талқыланды
30 Қаңтар, 2015 17:19

Дубайда ЭКСПО-2017 аясындағы ынтымақтастықтың әлеуеті талқыланды

Қазақстан Республикасының Дубай және Солтүстік әмірліктердегі Бас консулы Арман Исағалиев Дубай әмірлігі билеушісінің орынбасары, Әмірліктің Қаржы және өндіріс министрі Хамдан бин Рашидом Әл Мактуммен кездесті.
Дубайда ЭКСПО-2017 аясындағы ынтымақтастықтың әлеуеті талқыланды

ҚР СІМ хабарлағандай, Шейх Хамдан Қазақстан мен БАӘ қарым-қатынастарының даму деңгейін жоғары бағалап, Қазақстан мен Дубай арасында сауда және инвестициялық ынтымақтастықты одан әрі қарқындату қажеттілігіне баса көңіл аударды. «Осы салалар біздің өзара тиімді әрекестігіміздің негізін құрауы керек», - деді Дубай билеушісінің орынбасары.

Кездесу барысында Мемлекет басшысы жариялаған «Нұрлы жол» жаңа экономикалық саясаты шеңберінде еліміздің инфрақұрылымын дамытуға бағытталған ірі инвестициялық жобалардың іске асырылып жатқандығын жеткізді. А.Исағалиев Қазақстандағы жағымды инвестициялық ахуал мен шетелдік инвесторлар үшін енгізілген жеңілдіктерді айта отырып, Дубай инвесторларын осы жобаларға қатысуға шақырды.

Сонымен қатар, сұхбат барысында Астанадағы «ЭКСПО-2017» және Дубайдағы «ЭКСПО-2020» халықаралық көрмелерінің өткізілуі шеңберінде ынтымақтастық орнатудың перспективті жолдары талқыланды.

Бұл тұрғыда қазақстандық «ЭКСПО-2017» Ұлттық компаниясы мен «DUBAI WORLD EXPO-2020» Жоғарғы комитеті арасындағы нәтижелі ықпалдастық орнатылғандығы атап өтілді. Шейх Хамдан Әмірліктер тарапының қазақстандық көрмеге ең жоғары деңгейдеқатысатынын қуаттады.

Бұған қоса, кездесуге қатысушылар Алматы мен Дубай арасындағы ынтымақтастықтың болашағын талқылады. Әмірлік мегаполисінің мэрі Хусейн Насер Лутаның өткен жылдың аяғындағы ҚР оңтүстік астанасына сапарының жақсы нәтижелері және Алматы қаласының әкімі Ахметжан Есімовтің Дубайға биылғы жылға белгіленген сапары жөнінде сөз қозғалды.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды