Қазақстан, Ресей және Беларусь елддерінің Бас Прокурорлары ЕАЭО тәртібіндегі ынтымақтастық мәселелерін талқылады

Шараға Қазақстан Республикасының Бас Прокуроры Асхат Дауылбаев Минск қаласында өткен Сыбайлас жемқорлыққа қарсы тұру бойынша мемлекетаралық кеңес отырысының бірінші ұйымдастырушылық отырысына қатысты. Форум жұмысына Армения, Белоруссия, Қазақстан, Қырғызстан, Ресей, Тәжікстанның құзырлы органдарының өкілдері қатысты, деп хабарлады Қорғаныс министрлігі.  

Тараптар ортақ экономикалық кеңістік жағдайындағы өзекті мәселелерді, оның ішінде халықтық сұраныстағы тауарлар айналымына қатысты, автомобильдерді заңсыз кіргізу және тіркеу, қосымша құн салығын заңсыз қайтару саласы, сондай-ақ Еуразиялық одақ қызметі аясындағы мәселелерді шешу бойынша сарапшылар тобын құру туралы талқылады.

«Кездесу барысында құқықтық тетіктерді жетілдіру және сыбайлас жемқорлыққа қатысты құқық бұзушылықтардың алдын-алу, сондай-ақ олардың салдарын жою мәселелері кеңінен талқыланды», - делінген хабарламада.  

Айта кетейік, сыбайлас жемқорлыққа қарсы тұру бойынша мемлекетаралық кеңес 6 мемлекеттің (Армения, Белоруссия, Қазақстан, Қыргызстан, Ресей және Тәжікстан) басшыларымен құрылған ТМД-ның салалық ынтымақтастық органы болып табылады. Кеңес сыбайлас жемқорлыққа қарсы тұру бойынша шараларды ұйымдастыру және үйлестіруді, оның ішінде сыбайлас жемқорлыққа қарсы ұлттық заңнаманы жақындастыру және үйлестіру, ақпарат алмасуға ықпалдастық ету, сондай-ақ Кеңеске қатысушы-мемлекеттер құзырлы органдарының өзара ынтымақтастығын нығайтуды жүзеге асырады.