• Басты
  • Бүгін Алматыда 5 балабақша ашылды
29 Қаңтар, 2015 18:21

Бүгін Алматыда 5 балабақша ашылды

Бүгін Алматы әкімі Ахметжан Есімов мектеп жасына дейінгі білім саласының жаңа нысандарын аралап көрді.

Бүгін Алматыда 5 балабақша ашылды | Strategy2050.kz

Қала әкімдігінің хабарлауынша, қала басшысы Алатау ауданы Ақбұлақ ықшам ауданында орналасқан 120 орынды №95 бала бақшада және мегаполистің Медеу ауданынның аумағындағы 120 орынды №124 «Арнайы» (коррекциялы) ясли-бақшада болды.

Әкім мектеп жасына дейінгі білім берудің вариативті түрін құрудың маңыздылығын атап өтті. Тәулік бойын жұмыс істейтін коррекциялық мекемелерді толықтай жергілікті бюджет қаржыландырады. Бұларда 2-7 жас аралығындағы көзі нашар көретін және тілі мүкіс балалар тегін білім алады. Кішкентай кезінен ем алған мұндай балалардың 70 пайызының көзі мен сөйлеу мәнері қалыпқа келетіндігі анықталған. Қазіргі кезде Алматыда мектеп жасына дейінгі 9 коррекциялық балалар мекемелері жұмыс істейді.

Қала әкімі Қазақстан Президенті Нұрсұлтан Назарбаевтың тапсыруы бойынша балаларға мектеп жасына дейінгі білім беруге айрықша назар аударылатындығын атап өтті. Мысалы, 2014 жыл «Алматы қаласында білімді дамыту жылы» деп жарияланды, соның арқасында өткен жылы 480 орынды 4 жаңа бала бақша салынып, пайдалануға берілді. Сонымен қатар, «Саялы» ықшам ауданында жалғыз басты аналар мен кезектесіп жұмыс істейтін ата- аналарды қолдау мақсатында қалада тұңғыш рет бес күн ішінде тәулік бойы жұмыс істейтін 320 орынды бала бақша мен «Үміт үйінде» арнайы топтар ашылды. Нәтижесінде, өткен жылы 800 орынды 5 бала бақша іске қосылды.

 «Қазіргі кезде 17 бала бақшаның құрылысы жүріп жатыр, оның 6-ы республикалық бюджет, ал қалған 11-і жергілікті бюджет есебінен салынуда, соның ішінде 5 бала бақша бүгін ашылып отыр», - деді Ахметжан Есімов.

Алматыда соңғы алты жыл ішінде 30 жаңа бала бақша ашылды, жалға алғандардың меншігінде болған 7 нысан қайтарып алынды.

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды