• Басты
  • Астана медициналық туризм бойынша Орталық Азиядағы жетекші орталықтардың біріне айналды - ДСӘДМ
29 Қаңтар, 2015 09:21

Астана медициналық туризм бойынша Орталық Азиядағы жетекші орталықтардың біріне айналды - ДСӘДМ

2011-2014 жылдары Астанадағы Ұлттық медициналық холдинг (ҰМХ) клиникаларында және Ұлттық ғылыми медициналық орталықта (ҰҒМО) әлемнің 30-дан астам елінің 4799 азаматына медициналық көмек көрсетілді.
Астана медициналық туризм бойынша Орталық Азиядағы жетекші орталықтардың біріне айналды - ДСӘДМ | Strategy2050.kz

Атап айтқанда, жоғары медициналық мамандандырылған көмек алу үшін ҰМХ еншілес ұйымдарына Ресей, АҚШ, Жапония, Италия, Ұлябритания, Түркия, Болгария, Шри-Ланка, Филиппин, Қырғызстан және өзге елдердің азаматтары келген, деп хабарлады Денсаулық сақтау және әлеуметтік даму министрлігі.

Шетел азаматтары көбінесе омыртқа дискі жарығын микрохирургиялық жолмен алып тастау, экстракорпоральды ұрықтандыру, жүректегі қан жолы тетігіне кардиохирургиялық ота жасау, жатыр артериясын эмболизациялау сияқты қызметтерге жүгінеді.  

2011-2014 жылдар аралығында ҰМХ ұйымдарында 4734 шетелдік азаматқа көмек көрсетілді.

Сонымен қатар, медициналық туризм Ұлттық ғылыми медициналық орталықтада жақсы дамуда. Бұл орталықта АҚШ, Қытай, Кувейт, БАӘ, Үндістан, Ресей азаматтары емделді. 

Шетелдік пациенттер мұнда жасуша технологияларын пайдалана отырып, ішкі органдар жетіспеушілігін морфо-функционалды түзету мақсатында келеді. Сондай-ақ, өзге елдер азаматтары арасында метаболикалық синдром, 2 типтегі қант диабеті ауруы жиі кездеседі.  

2011-2014 жылдары Ұлттық ғылыми медициналық орталықта шетелдерден келген 65 науқасқа көмек көрсетілді.  

Еске сала кетейік, «Қазақстан жолы – 2050: Бір мақсат, бір мүдде, бір болашақ» атты Жолдауында Мемлекет басшысы Қазақстан медициналық туризм бойынша жетекші еуразиялық орталыққа айналуы тиістігін атап көрсеткен еді. 

 

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды