• Басты
  • Семейде мемлекеттік тұрғын үй қорынан пәтер таратылды
28 Қаңтар, 2015 18:36

Семейде мемлекеттік тұрғын үй қорынан пәтер таратылды

Семейде тұрғын үй комиссиясы шешімі негізінде «Қолжетімді баспана-2020» бағдарламасы бойынша салынған үйлердің пәтерлері тиісті адамдарға тағайындалды.
Семейде мемлекеттік тұрғын үй қорынан пәтер таратылды | Strategy2050.kz

Қала әкімдігінің хабарлауынша, қазіргі таңда Семей қаласының Энергетик шағын ауданында тұрғын үй комиссиясы 216 пәтер иелерін тағайындады. Солардың арасында 89 пәтер жетім балаларға, 6 пәтер Ұлы Отан соғысы ардагерлеріне, 57 пәтер бюджеттік ұйым қызметкерлеріне, 55 пәтер әлеуметтік әлсіз халық өкілдеріне, 9 пәтер жалпы кезектегі азаматтарға берілмек. Семей қаласының Әділет басқармасынан тіркеуден өткен пәтерлердің келісімшарты құрылды.

Сонымен қатар, «Қазақстанның Тұрғын үй құрылыс жинақ банкі» АҚ желісінің екінші бағыты («Барлық санаттағы азаматтар үшін») бойынша 56 пәтер тағайындалды. Соның ішінде 37 пәтер ипотекалық несиемен рәсімделсе, 3 пәтер сатылған, 16-сы жалға берілетін пәтерлер.  

«Қолжетімді баспана-2020» бағдарламасының «Жас отбасы» бағыты бойынша 95 үміткерді іріктеу шаралары өтті. Қазіргі таңда аталған шағын ауданның үйінен 72 отбасымен пәтер келісімшарты жасалды.

Әкімдіктің хабарлауынша, 2015 жылдың 1 қаңтарында мемлекеттік тұрғын үй қорынан пәтер алу үшін есепте тұрғандар саны 6 231 отбасы болса, соның ішінде 2 282-сі әлеуметтік әлсіз халық санатына, 1 117-сі жетім және ата-ана қарауынсыз қалған балаларға, 2 542-сі бюджеттік қызметкерлерге тиесілі.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды