• Басты
  • Ақтөбе облысында 66 нысан мүгедектерге бейімдетілді – ішкі саясат басқармасы
28 Қаңтар, 2015 17:52

Ақтөбе облысында 66 нысан мүгедектерге бейімдетілді – ішкі саясат басқармасы

2014 жылы Ақтөбе облысында 66 нысанды мүмкіндігі шектеулі адамдарға ыңғайлы ету үшін 44,7 млн теңге жұмсалды, деп хабарлайды облыстың ішкі саясат басқармасы.
Ақтөбе облысында 66 нысан мүгедектерге бейімдетілді  – ішкі саясат басқармасы

Хабарламада айтылғандай, өңірде мүгедек және жалғыз басты қарттармен жұмыс жүргізілуде. «2015 жылдың 1 қаңтарындағы мәлімет бойынша, облыста арнайы мемелкеттік жәрдемақы алатын 19 656 адам тіркелсе, солардың арасында 2 315-і 16 жасқа дейінгі балалар», - делінген хабарламада.

Сонымен қатар, 2014 жылдың қаңтар-желтоқсан айларында 6 219 мүгедек жекелеген бейімдеу бағдарламаларымен мүгедектер арбасымен, сурдотифлотехникамен, протездеумен, емдеу-демалыс орындарымен, гигиеналық бұйымдармен және өзге де қызметтермен қамтамасыз етілді. Осы мақсатта жұмсалған қаражат көлемі 261,4 млн теңге.

Облыста әлеуметтік аз қамсыздандырылған 77 отбасындағы 322 азаматқа 8 178,2 мың теңге көлемінде мемлекеттік арнайы әлеуметтік көмек тағайындалды.

Ішкі саясат басқармасының хабарлауынша, облыстың 3 637 отбасына арналған тұрғын үй көмегінің алпы көлемі 55,5  млн теңгені құрады. «18 жасқа дейінгі17816 балаға  280,4 млн теңге жәрдемақы тағайындалды», - делінген хабарламада.

Барлық жаңалықтар