2014 жылы «Астана қаласының оңтүстік-батыс айналма жолы» авто жолының құрылысы басталмақ
«Бүгінге дейін ұзындығы 31 км болатын «Астана қаласының оңтүстік-батыс айналма жолы» авто жолының құрылысы жобасының техникалық-экономикалық негізі жасалды. Аталмыш жол жүк көліктерінің қала сыртына қатынауы мен қала ішіндегі көліктер ағынын тежемек. Жол құрылысы 2014 жылға жоспарланып отыр», - делінген хабарламада.
Сонымен қатар, ЭКСПО-2017 халықаралық көрмесіне дайындық аясында Астана-Теміртау, Астана-Павлодар, Щучинск-Зеренді автожолдары жөнделмек.
«Қазіргі таңда «ДС-Нойбург» ЖШС мен «АКМ» ЖШС мегдігер компаниялары тарапынан жалпы ұзындығы 169 км болатын Астана-Теміртау авто жолының 22 км-іне жөндеу жұмыстары жүргізілуде. Жыл соңына дейін тағы 21км-ге жөндеу жұмыстары басталып, 126 км-дің жобалау-сметалау дайындықтары аяқталмақ. Келер жылы аталмыш жолдың барлық жері жөндеу жұмыстарымен қамтылмақ, делінген хабарламада.
