27 Қаңтар, 2015 19:48

Астана спортшылары елорда жылнамасын жарқын жеңістерімен толықтырды - Жақсыбеков

Бүгін Астана әкімі Әділбек Жақсыбеков 17-ші жазғы Азия ойындары мен 2014 жылғы өзге де халықаралық жарыстардың жеңімпаздары және жүлдегерлерімен кездесті.

Елорда әкімі қаланың атын әлемге асқақтатып жүрген спортшыларға барша Астана тұрғындары атынан алғыс білдірді, деп хабарлады қала әкімдігі.

Әділбек Жақсыбеков, елордадағы спорттың бастауында Мемлекет басшының өзі тұрғандығын айта келе, спорттың барлық түрлері бойынша әлемдік талаптарға сай келетін заманауи нысандарды салу ісіне ерекше мән берілгендігін жеткізді.

2011 жылғы Азия ойындары мен өзге де халықаралық жарыстардың Астанада өткізілгені осыған дәлел. Астана әкімі параолимпиадашыларға айрықша алғысын білдірді. «12 Азия параойындарында медалдар бойынша абсолютті рекорд орнатқан елордалық параолимпиадашыларға және оларды дайындаған адамдарға ризашылық білдіргім келеді. Көп жағдайда бапкерлердің еңбегі еленбейді. Бұл ретте Владимир Загородний, Берік Мыржықпаев, Әлия Түсіпбекова секілді Қазақстан Республикасының еңбек сіңірген жаттықтырушыларын атап өткім келеді. Сіздерге Астана жылнамасын жарқын беттермен толықтырғандарыңызға және өскелең ұрпаққа жақсы үлгі көрсеткендеріңіз үшін алғыс айтамын, - деді Әділбек Жақсыбеков.

«Президентіміз Нұрсұлтан Назарбаевтың қолдауы арқасында Астанада Ұлттық теннис орталығының құрылысы басталғаны белгілі. Ол кезде мен әлі спорттан қол үзбеген едім. Теннис корттары мен турнирлер аз болатын. Сол кездері жүлде қоры қомақты халықаралық турнир – Елорда кубогі қолға алынды. Қазақстан теннисшілері үшін ол халықаралық жарыстарда шыңдалудың бірден бір жолы еді», - Қазақстан Республикасы Теннис федерациясының атқарушы директоры Диас Досқараев.

Әділбек Жақсыбеков спортшыларға алғыс хаттарын тапсырды. «Елорда спортшыларының өткен жылғы жеткен жарқын жеңістерінің бірі – «Астана» футбол клубының Қазақстан Республикасы чемпионатындағы жеңісі. Осы орайда әкім клуб капитаны Танат Нөсербаевқа арнайы сыйлық табыстап, барша спортшыларға жаңа жеңістер тіледі», - делінген хабарламада.

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды