ҚР 2013 жылы тұмауға қарсы егу үшін 633 млн теңге бөлінді – ДСМ
2 Қазан, 2013 12:52
Қазақстанда тұмауды егу үшін бюджеттен 633 млн теңге бөлінді, деп Денсаулық сақтау министрлігінің баспасөз қызметі хабарлады.
«2013-2014 жылдарға арналып 929 мың 656 вакцина сатып алынды. Ол үшін 633 млн теңге бөлінді», - деп хабарламада айтылған.
Вирустың таралу барысын 17 вирустық лаборотория қадағалап отыр.
«Әлемдік денсаулық сақтау ұйымының ақпараты бойынша 2013-2014 жылдары 2012-2013 жылдар сияқты А (H3N2), А (H1N1 вирустарының таралуы болады деп жоспарлануда», - деп хабарламада нақтыланған.
